Форум_Ўзбекистон


Join the forum, it's quick and easy

Форум_Ўзбекистон
Форум_Ўзбекистон
Would you like to react to this message? Create an account in a few clicks or log in to continue.

Ўшдаги аксарият ҳануз чодирлар остида яшашмоқда, кўмирдан эса дарак йўқ

Go down

Ўшдаги аксарият ҳануз чодирлар остида яшашмоқда, кўмирдан эса дарак йўқ Empty Ўшдаги аксарият ҳануз чодирлар остида яшашмоқда, кўмирдан эса дарак йўқ

Post by Admin Tue Nov 23, 2010 5:11 am

Ўшдаги аксарият ҳануз чодирлар остида яшашмоқда, кўмирдан эса дарак йўқ



Қиш тушиб қолганига қарамай, Қирғизистоннинг ўтган июн ойида қақшатқич миллий низоларга саҳна бўлган жанубий минтақаларида аксарият ҳануз вақтинчалик чодирлар остида яшашмоқда. Маҳаллий масъуллар ваъда қилган кўмирдан эса, ҳамон дарак йўқ.

Ўшлик аҳолининг Би-би-си билан суҳбатида айтишича, зўравонликлар чоғида уйлари куйиб, кул бўлиши оқибатида ҳали ҳам бутун оиласи билан чодирларда яшашга мажбур бўлаётганларнинг аксарияти ўзбеклардир.

Халқаро Қизил Хоч Ташкилотининг сентябр ойидаги ҳисоб-китобларига кўра, биргина Ўшда бундай инсонларнинг сони уч мингга етади.

Қирғизистонлик масъуллар эса, ноябр ойи охирига қадар жабрдийдаларга мўлжалланган турар-жойларнинг қуриб битказилиши ва улар декабр ойига қолмай, янги уй-жойларига кўчиб киришларини ваъда беришганди.

Аммо яқинда битган саноқли уйларга кўчиб ўтган бошпанасизларнинг сони эса, ҳаминқадардир.

Ўтган июн ойида юз берган этник низолар чоғида Қирғизистон жанубида 2.000 га яқин турар-жой ва биноларнинг буткул вайрон бўлгани айтилади.

Айрим ҳисоб-китобларга кўра, куйиб кул бўлган биноларни қайта тиклаш ишлари бир неча юз миллион АҚШ долларига тушиши мумкин.

Июл ойида бўлиб ўтган донор давлатларнинг халқаро анжуманида халқаро ҳамжамият Қирғизистон жанубидаги қайта қуриш ишларини ўзлари молиялашга ваъда берганди.

Биз июн ойидаги қонли низолар чоғида уйи буткул ёниб битган ўшликлардан бири билан боғланиб, бугунги ҳаётлари билан қизиқдик.
http://www.bbc.co.uk/uzbek/central_asia/2010/11/101122_cy_osh_latest_rebuilding.shtml

Admin
Admin

Posts : 1326
Join date : 2010-02-04

http://ihrsu.org

Back to top Go down

Back to top

- Similar topics

 
Permissions in this forum:
You cannot reply to topics in this forum